Home Local Tres agente di rango halto cu e mesun enfermedad , despues di...

Tres agente di rango halto cu e mesun enfermedad , despues di a labora pa añas den warda bieu di Oranjestad

Wilhelminastraat – Rumornan persistente ta circulando cu Warda di Polis den Wilhelminastraat lo mester cera y muda. Durante transcurso di añanan, ta varios agente di rango y no di rango a bira malo di salud.

Ta un secreto publico cu e edificio bieu tawata contamina cu schimmels.
Tawata tin schimmels te hasta na e bentanan.

Den e condicionnan aki polisnan mester a labora, tin biaha hasta den calor sin airco.
Den un solo palabra mester a presenta tur dia na pia di trabou siendo esaki tawata afectando nan salud.

Tres agente di rango cu tumor.

Añanan a sigui pasa y señalnan di e posibel daño di e edificio bieu (Schimmels) a cuminsa manifesta ariba salud di e algun agente.

Informacion ta papia di 3 agente di rango cu a wordo diagnostica cu tumor(nan).
Mesora a cuminsa sospecha ariba e condicionnan cu nan mester a traha aden añanan largo.

Tur tres agente a traha eynan pa varios aña. Posiblemente un sistema imunologico swak lo por a acelera e condicionnan.

Lo move di Wilhelminastraat ?

Ta pensa di move for di Wilhelminastraat. Brown Building na Wayaca ta un posibel locacion nobo.
Gobierno sea a cumpra e edificio aki of ta bay cumpre y lo hacie cu e por bira un posibel luga pa un futuro warda di polis.

Aña pasa un agente di rango cu a traha añas na e edificio bieu den Wilhelminastraat a cuminsa sinti malo. Ela cuminsa sinti algo na su garganta cu tawata crece.
Esaki a pone cu ela wordo manda Colombia y a mester permanece Colombia pa hopi luna. Despues di lunanan di tratamento y tambe operacionnan ela regresa Aruba.

E cos no a caba eynan. Un otro colega cu a labora hopi aña na e warda ey, ta na Colombia actualmente. Pa e mesun tipo di enfermedad. Tumor y na e mesun luga di curpa.

Awor nos ta papia di 3 agente di edad y rango halto. E prome agente ainda segun nos ta hayando tratamento. Posiblemente tin mas agente cu tin e enfermedad aki, pero e sintomanan no a manifesta ainda y lo ta bon pa cuminsa haci chekeo medico trempan.

Nos por corda con e tempo ey polisnan tawata keda bisa cu e edificio no ta safe, y mira kiko a pasa cu tres agente cu a traha añas eynan. Dios compaña e agentenan aki y yudanan cu nan problema di salud.

Casualidad ? Tin un dicho na Hulandes cu ta bisa ” Toeval bestaat niet “.