123
Diasabra awo dia 13 di April Brazil Taekwondo Stichting ta organisa e di 11 Ultimate Taekwondo Cup bou auspicio di Aruba Taekwondo Bond “ARTBO”. E scolnan di Taekwondo na Aruba ta bay tin e oportunidad pa bringa pa e Best Team Cup, Best Fighter den cada categoria y tambe lo scoge Best Coach na base di e reglamentonan internacional.
Diahuebs awo dia 11 di April tin registracion na Tarcisius Kleuterschool situa na Mabon patras di e Misa di Brazil for di 4’or pa 6’or.
E evento ta diasabra dia 13 di April na Centro di Bario Brazil cuminsando pa 1’or di merdia pa termina pa 5’or di atardi.
Alberto Klabér lo bay tin wowo ariba e bringadonan cu curason grandi pa asina cuminsa tuma nota pa selecta esnan pa Best of the Best 2019 cu ta bay tin participacion grandi segun e website di mas grandi di Taekwondo na mundo: www.mundotaekwondo.com.
Brazil Taekwondo Stichting ta conta cu presencia di Prensa den su totalidad.