Den e veredicto den caso di retiro di director diamars, hues a duna di conoce cu no ta Franklin Hoevertsz ta culpabel di e mal maneho hiba den Utilities durante 8 aña.
Ta e gobierno di Mike Eman ta culpabel hunto cu e hunta di comisario di AVP.
Hues a punta dede pisa riba gobierno anterior cu a autorisa Franklin Hoevertsz pa gasta 46 mil dollar pa pone e potret di Mike Eman den e revista Newsweek.
Gobierno di Mike Eman a autorisa Franklin Hoevertsz pa gasta 680 mil florin na gasto di biahe, rond mundo. Un gasto ridiculamente halto! Acaso ta un raket ela cumpra pa bay luna?
Ta gobierno di AVP y Mike Eman a autorisa pa Franklin Hoeverts gasta miyones di florin na Terra Group y Speed Andrade pa mercadeo, pero pa mercadea kico??
Esaki ta e momento cu mester investiga Mike Eman y henter AVP, y e hunta di comisario anterior di e compania. Pasobra pueblo a papia cla y ta harta di e abusonan aki.