Home » Aruba ,Corsou y Boneiro a uni forsa na Seatrade Cruise Global 2019

Aruba ,Corsou y Boneiro a uni forsa na Seatrade Cruise Global 2019

by Admin
0 comment 61 views

 

ORANJESTAD, Aruba

Un delegacion di Aruba Ports Authority hunto cu Minister di Turismo sr. Dangui Oduber a biaha e siman aki pa Miami unda cu a participa den e Famoso y evento di renombre di Seatrade Cruise Global 2019.

Esaki ta un evento cu cualkier pais cu kier pa su turismo (crucero) sigui crece, mester ta presente cada biaha cu informacion pa convence companianan crucero sigui pone Aruba den nan itinerario of atrae companianan crucero nobo. E evento ta wordo cataloga como cu e evento mundial mas importante di e industria.

Seatrade Cruise Global ta wordo reconoci internacionalmente y respeta como e centro di e industria crucero. Na e evento aki e comunidad di mundo crucero ta topa otro un of mas biaha pa aña, ofreciendo momentonan pa haci negoshi importante, of cerando acuerdonan di importancia pa cada compania of pais.

E ta un evento cu APA ta percura pa ta tur aña presente na dje, suministrando informacion importante na posibel socionan. E biaha aki a uni forsa cu Corsou y Boneiro pa haya un booth strategico unda a haci e miho propaganda posibel pakico barconan crucero mester bishita e islanan Hulandes den Caribe.

E conferencia aki  ta e encuentro mas grandi di industria crucero, atrayendo mas di 11 mil persona, kendenan ta lidernan di e industria, ehecutivonan di Puerto y oficialnan di Gobierno, proveedornan, etc.

Asina a bin dilanti den e conferencia aki cu e industria crucero mundialmente a percura pa mas di 28.5 miyon biahero crucero, cu ta un 6.7% di aumento compara cu e aña anterior. E proyeccion pa 2019 ta 30 miyon biahero crucero.

Pero e barconan tambe ta bira mas innovative y atrayendo mas biahe cu barconan innovative. Asina 18 barco nobo ta drenta servicio den 2019. A wordo bisa tambe cu e impacto economic di e industria aki ta impresionante, ya cu nan ta percura pa 1.1 miyon cupo di trabou rond mundo y ta gasta en total 134 biyon dollar den nan biahenan.

P’esey ta di gran importancia cu APA ta sigui ta presente den e eventonan manera esun aki di Seatrade Cruise Global Conference 2019.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio