Recientemente La Salle College a organisa su anual College Job Fair bou di guia di nos decano Juf. Figaroa conhuntamente cu juf. Engelhart. E meta di e actividad educacional aki ta pa yuda e alumnonan scohe consientemente nan pakete di materia y despues tambe nan profesion.
E informacion tawata pa e alumnonan di klas 2 y 3. E dia aki tawata uno exitoso danki na tur e scol y instancianan cu tawata presente. Ta importante pa informa cu e scol y instancianan e alumnonan mes a scohe bou guia di e decano.
Scol kier a tuma e oportunidad aki pa gradici e siguiente scol y instancianan cu tawata presente ariba e dia aki:
Guarda nos Costa, Polis, Douane, IPA, dr. Horacio Oduber Hospital, Brandweer, DOW, WEB, Aruba Ports Authority, SETAR, Kamer van Koophandel, Arubabank, Marriott, Aruba Airport Authority, Psychologo P. Godoy, Chef E. Cruz, Abogado D. Kock, G. Goddijn pa e materia CKV, pa Dansa E. Jacobs y finalmente pa Moda R. Lemminga.
Tambe Colegio San Nicolas, Colegio Arubano, Universidad di Aruba y EPI completo esta e parti technico, hotelero, economico y salubridad.