Tanki Leendert – Diadomingo marduga 2’or pasa varios patruya a cuminsa bay direccion Tanki Leendert, altura di Elmax.
Eynan lo tawata tin un problema escalando y a wordo bisa cu lo tin arma di candela tambe.
Mirando cu a papia di arma di candela patruyanan a bay cu mas urgencia.
Na yegada nan a topa cu ambos partido, y berdad tawata tin un problema andando.
Polis a kita un bate di baseball y un palo.
E problema lo a surgi momento cu un dama lo a bay na un adres pa piki su pertenencianan.
Parse cu diasabra anochi ya e dama tawata na warda di polis y eynan ela wordo bisa pa warda ora e drukte pasa pa nan compañe.
Posiblemente oranan a pasa y e dama a mira cu e no ta wordo juda e mes a bay e adres. Akinan ta caminda cos a bay for di man.
Na e sitio a presenta basta patruya y esaki mes a yuda pa calma e tension.
Ambos partido a papia di menasa.
Durante dia e dama lo bay warda pa un patruya compañe pa busca su cosnan.
Dialuna tur dos banda lo a bay recherche na Frankrijkstraat pa entrega keho di menasa.