Home » Dia Mundial di Actividad Fisico (6 di april) y Dia Mundial di Salud (7 di april)

Dia Mundial di Actividad Fisico (6 di april) y Dia Mundial di Salud (7 di april)

by Admin
0 comment 48 views

 

Na aña 2002 Organisacion Mundial di Salud (OMS) a logra mobilisa 148 pais rond mundo cu un total di 1987 evento cu e slogan ‘Agita Mundo – Move pa Salud’. A base di esaki nan a pidi e diferente paisnan miembro pa celebra tur aña un dia cu e fin di promove e actividad fisico cu elemento esencial di salud y bienestar.

 

E celebracion menciona ta forma parti di un iniciativa mas amplio di OMS pa combati e carga creciente di malesanan cronico cu ta bin pa motibo di sintamento. E investigacion a indica cu sintamento ta e causa di malesa cardiovascular, diabetes y cancer di tripa of di pecho; ademas esey ta causa e efectonan negativo pa e salud mental y e calidad di bida.

E aña aki tin un novedad grandi, pa locual ta trata Dia Mundial di Actividad Fisico, esta e programa ‘Tur Stap ta Conta’ cu ta bin cerca e strategia di 30 minuut actividad tur dia.

 

Aproximadamente 41 miyon di hende rond mundo ta muri a causa di malesanan cronico, p’esey ta necesario pa tur gobierno implementa un maneho publico pa trata e problema, segun e OMS.

 

Na Aruba e cantidad di persona (di 4 aña bay ariba), segun investigacion di GOA 2016/2017, cu a indica cu no ta haci actividad fisico/deporte ta 62%. Esaki ta un porcentahe hopi halto di persona cu ta inactivo. Ta urgente pa trese cambio den e cifra aki pa asina evita cu mas persona ta bay sufri di malesanan cronico, cu ta e carga emocional pa e paciente y su famia y e carga mas grandi pa nos sistema di aseguro general.

 

Dia Mundial di Salud e aña aki ta enfoca riba e tema di seguro universal. OMS ta boga pa tur hende na mundo por disfruta di un aseguro medico general. Na Aruba nos tin e beneficio cu pa hopi aña caba nos tin e aseguro medico general esta AZV (Algemene Ziektekosten Verzekering). Hopi pais na mundo ainda no ta asina leuw di por ofrese su habitante e tipo di seguro aki.

 

Diarason 10 di april lo organisa un charla gratis na 4 localidad: MFA-Noord; MFA –Sta. Cruz; MFA-Savaneta y na IBiSA San Nicolaas (Sport Centrum) di 18:30 pa 21:00. Tema principal ta un estilo di bida saludabel cu enfoke riba actividad fisico y alimentacion saludabel.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio