L.G.SMITH BLVD – Diaranson merdia algo prome cu 1’or polis y ambulance ta bay poco mas pariba di cas di Gobernador banda di Linear Park, unda un accidente serio di brommer a sosode.
Na yegada di polis ya Ambulance tawata na e sitio y Paramediconan tawata trahando ariba e victima.
Mester bisa cu motociclista keda gravemente herida benta ariba e caminda cayente.
Agentenan di trafico a laga cera e caminda pa asina por cuminsa cu un investigacion extenso. BFTO y Specialista di Trafico a wordo pidi na e sitio, mirando e situacion grave cu e motociclista ta den.
Despues di a prepara e victima cu tawata drumi ariba e asfalt cayente, Ambulance a sali cu ne urgencia direccion Hospital.
Na Hospital tawata tin un Trauma Team wardando e victima pa mesora hibe Sala di Operacion.
Loke a pasa
E brommer Honda tawata bayendo direccion pariba cu velocidad poco halto, y dado momento no a tene cuenta cu e Jeep color preto a bay pa bira.
Na su turno pa no dal a hala na su man drechi pa sigui pasa, pero ta mishi cu e bumper y perde control bay cay heridando su mes gravemente.
Por a mira un helm(yama Casca di Pinda) un banda benta. E tipo di Helm nan aki no ta dunabo e proteccion debido den un crash.
