142
Franse Pas – Diaranson mainta den careda di 9’or, accidentenan ta continua den e bocht di Franse Pas.
E biaha aki tawata trata di dos auto, un Suzuki Liana y un Chevrolet Spark ambos tawata tin dama na stuur.
Awa cu a yobe mainta probablemente ta causa di e accidente aki y velocidad poco halto mas cu claro.
Segun nos a compronde, e Spark tawata bayendo zuid y debi cu e caminda ta slip y velocidad den e bocht ela kita bay dal contra e Suzuki Liana biniendo nort.
Despues ela sigui y ta cay banda pariba di caminda den e saliña.
No tawata tin hende herida, pero daño material si ta basta.
