Santa Cruz – Diamars merdia hendenan tawata puntra kiko ta pasando den Santa Cruz cu tanto movecion di polis.
E problema lo a cuminsa diamars mainta na e Barbershop situa pazuid di Taco Bell.
Den oranan di mainta polis a bay lihe pa motibo cu tin hende esta e conocido barbero Matatan, tawata sacando of kier a saca cos for di e luga. Esaki no tawata mag y cos a cuminsa medio bay for di man.
Polis a yega y a interveni. E problema di Matatan cu su ex pareha ta di masha hopi tempo caba. Polisnan sa di nan storia, cu ta hopi.
Despues di e incidente mainta ambos partido a bay Warda di Polis na Macuarima pa haci denuncia.
Matatan tawata mester cierto cosnan pa motibo cu e y su pareha nobo aparentemente lo a ta habriendo un negoshi nobo di Barbero. Tanten cu e caso di e dj’e y su ex cas no keda cla e no mag di mishi cu nada den e luga na Santa Cruz.
Despues cu ambos a sali di warda na Macuarima, Matatan muy probablemente hopi furioso a bay un adres na Santa Cruz. Eynan e ex lo ta kedadando.
Matatan a yega e adres hunto cu su pareha nobo, e a baha bay paden y lo a dal e ex paden.
Despues e a subi auto hunto cu e pareha nobo y bandona e sitio.
Ariba caminda di Piedra Plat patruya di Playa ta spot e, y dilanti Jon Tai Hardware store ta pare y bay over na detene Matatan.
Su pareha nobo si por a sigui su caminda, mientras Matatan si a keda wardando Transportwagen pa bay warda.
Ambulance a bay e cas na Santa Cruz y a trata e muhe paden di e cas, pues e no tawata di e serio ey manera a ser pensa na prome instante. Despues cu Paramediconan a bandona e sitio, e ex pareha a sali un biaha mas direccion Warda di polis na Macuarima pa entrega keho di maltrato.
