Oranjestad – Dialuna merdia Comision di Maestronan preocupa a reuni cu Comision di Enseñansa den Parlamento.
E reunion a tawata den un bon ambiente y Maestronan a papia habri ariba e preocupacion principal cu ta nan siguridad na trabou.
A duna algun ehempel di casonan. Nos a compronde si durante cu e reunion tawata andando tension a subi un poco.
Pero na final, Comision di Maestronan Preocupa sali un tiki mas trankil.
Despues di e reunion di dialuna e Comision lo bay reuni, y pasa ariba e puntonan cu a ser treci dilanti.
Pues aki ta papia di informacionnan ricibi durante e reunion na Parlamento, pero tambe di Maestronan preocupa cu a acercanan.
Actualmente tin cosnan cu mester di wordo ahusta y otronan cu lo mester wordo kita completamente.
Si esakinan no wordo cambia of ahusta, e lo por tin consecuensianan negativo pa e Maestra/o cu por yega asina leu di wordo kita for di trabou.
Maestronan ta keda positivo pa awor, wardando ariba contesta di Minister di Enseñansa pa stipula un fecha pa nan sinta na mesa.
Xiomara Werleman – Representante y Unico Vocero di Comicion di Maestronan Preocupa.
