Schotlandstraat – Dialuna algo prome cu 1’or a.m polis a wordo informa door di un ciudadano cu un auto a accidenta panort di rotonde nobo di Ling & Sons.
Na e momento eynan e ciudadano no a mira ningun hende, pues tawata mustra cu e persona lo a bandona e sitio.
Polis cu a bay e sitio a topa cu un Skyline cu hopi daño material.
E chauffeur a aparece ora polis a yega, segun su persona un auto a sali su dilanti y pone perde control.
Polis a haci nan investigacion y ta mustra cu e auto aki (Skyline) lo tawata biniendo cu velocidad hopi halto for di panort.
Segun e chauffeur debi cu e auto a subi caminda su dilanti a causa cu ela perde control y bay dal e cashi di coriente di Elmar.
Elmar tambe a wordo avisa, pa tira bista door cu e auto a kibra e cashi di coriente y despues bay keda para ariba caminda.
Un impacto basta duro mester bisa, asina mes e chauffeur a sali sin niun rasca di e impacto.
Ambulance a presenta na e sitio pa tira un bista ariba e chauffeur.
Pa loke ta e Skyline esaki no ta mustra di lo por core mas.
