Paradera – Dialuna mainta algo pasa di 9’or un habitante di Paradera a sinti’e incomodo pa cosnan cu a pasa of ta pasando cerca di su cas.
Den oranan di mainta e habitante aki a yama polis, pa artefactonan posiblemente procedente di bruheria/voodoo.
Polis a laga cu a nan no ta bin pa e “cos” nan ey, y cu e mester yama Serlimar.
E habitante a conta cu dos dama color scur den e un Toyota Rav a yega su cas, y a puntre ” Unda e Misa den mondi ta”.
E habitante a sigui conta cu ela contestanan ” No tin niun Misa den mondi”, e damanan a papia algo den un otro idioma y a move.
Ariba e imagennan por mira tur e artefactonan(laga nos yame asina) cu a ser haya.
Por mira varios caha di keds cu Paloma morto den dje y tambe bela. Por mira tambe varios saco di plastic mara, cu no a wordo habri pa por sa kiko tin den nan.
E area aki di e Santana ta conoci pa tipo di actividadnan manera esaki. Ta añas e cosnan aki ta going on, y semper na e mesun luga.
Algun aña atras un persona cu a bay bishita un ser keri di dje den Santana a bin topa cu un Kelder, baña na sanger, y esaki tawata produci un holor masha malo mes. Polis a tuma nota e tempo ey, mucho nan no por haci.
Pero, no ta solamente den Santana di Paradera hendenan ta practica nan “cosnan” sino den tur Santanta aki na Aruba.
