Hooiberg – Diadomingo atardi pa mas o menos 4’or polis y ambulance a wordo notifica di un accidente di trafico basta serio na Hooiberg.
E accidente a sosode dilanti Haystack Residence, den e entreda. Loke nos a compronde tawata cu un chauffeur burachi a bay haci un U-Turn.
Un Kia Picanto yegando unda e Toyota Yaris tawata birando ta dal contra dje.
Un total di 5 persona a resulta herida, niun tawata e chauffeur burachi cu a causa e accidente.
Polis di trafico a laga e chauffeur di e Yaris supla na e sitio mes, pero e Alco- Sensor no por a midi e ųgl.
Esaki ta debi cu e chauffeur tawata asina burachi y no ta supla manera mester ta pa e aparato lese.
Polis a pidi transportwagen y a hibe warda, unda cu tin machine mas grandi cu si por detecta e cantidad exacto di alcohol den su curpa.