Nos hendenan ta na prome lugar y esey ta wordo demostra tur dia, parlamentario di POR, Alan Howell ta duna di conoce.
E ta hopi entusiasma di sigui mira cu Gobierno ta scuchando no solamente su peticionnan, pero peticionnan di henter pueblo di pariba di mira despues di hopi tempo pa nan haya atencion. Asina, recientemente durante reunion publico di Parlamento, minister Otmar Oduber y DOW a confirma peticion di Howell pa e muchanan di Mabon/Brazil logra haya nan speeltuin bek.
E ta considera cu un lugar di recreo ta sumamente importante pa nos muchanan durante nan oranan liber. Ta trata di un forma di diverticion sano cu ta contribui na aleha nos muchanan for di e mal caminda.
Pa tal motibo tambe Alan Howell ta gradici minister Oduber y DOW, pero tambe FCCA pa e comprension.