Maria Christinastraat – Diasabra anochi algo prome cu 8:30 polis ta haya informacion di un auto na candela banda di cas di Gobernador.
Polisnan cerca teniendo control di trafico tambe a nota basta huma, y na nan yegada ta pidi Brandweer cu urgencia.
Segun e doño, ela caba di traha y a sali for di e tereno di Renaissance. Bayendo pariba ela ripara huma. Mesora ela bira drenta e caya pabou di e cas di Gobernador y a mira vlamnan.
Algun persona cerca tambe a yuda pa mantene e candela mas tanto na e motor.
A usa brandblus poeder y tambe tera.
Mientrastanto Brandweer tambe a yega y e doño tawata bezig ta contempla tur loke tawata pasando. Na yegada bomberonan a spuit e motor cu ta esun cu a kima por completo.
Pues e body di e auto a keda bon, parti dilanti di e auto ta e parti cu sufri e daño principal.