Problema entre bisiña a termina cu un persona deteni

Bonavista/Calbas – Diasabra atardi polis a bay e casnan colorido den e bocht na Calbas, pa problema entre bisiña.

Na yegada polis ta compronde cu un discusion lo a escala y causa cu un di e partidonan a perde cabes.

Ela bay over na agresion. E homber lo a comete destruccion na propiedad di e bisiña y tambe lo a pone man ariba dje o sea a dal e.

Keho a wordo entrega y polis a bay over na detencion di un bisiña, transportwagen a wordo pidi y a hiba e agresor warda di polis.