167
Balashi/ Santa Cruz: Diadomingo den careda di 6’or di mainta, presencia di polis a wordo pidi riba e caminda di e crusada Mondi Fierno pa bay direccion di Rooi Frances pa un auto cu a bolter.
Na yegada enberdad nan ta topa cu un Chevrolet Aveo gebolter riba un cura di transha y tambe hinka parcialmente den e cura.
Mesora e agentenan policial a bay atende cu e chauffeur di e auto y nan a haya holo fuerte di alcohol.
Na e sitio nan a bin compronde cu e homber ta basta bou influencia, mesora ela keda deteni y cu transportwagen di polis ela wordo hiba na Warda di Santa Cruz. Mirando cu no tin otro vehiculo envolvi, famia di e homber a ki mes mester percura pa un takelwagen saca e auto for di riba e transha.