Detencion na Pos Abou, despues di problema entre grupo cu ta papia Spaño y un grupo cu ta papia Papiamento

Caya Musica – Diasabra marduga pa mas o menos 5’or polis a bay na e crusada di Pos Abou y Caya Musica. Eynan lo tin un problema grandi andando.

E problema lo a cuminsa na Lekker Bar Restaurant na Palm Beach. Tawata trata di dos grupo, uno cu ta papia Spaño y e otro Papiamento.

Na salida di Lekker tawata tin bastante tiramento di palabra den direccion di otro. Segun nos a compronde e grupo cu ta papia Papiamento no a gusta loke a wordo bisa, y a bay tras di e grupo cu ta papia Spaño.

Na e crusada di Pos Abou cu Caya Musica a presenta un confrontacion y eynan un homber lo a pusha un dama hopi bruto te bente abou.

Polis a detene e homber pa maltrato y cora auto bou influencia.