Bushiribana – Diahuebs atardi algo prome cu 4:30 p.m patruya di Santa Cruz a topa cu un accidente di UTV altura di Bushiribana.
Mesora a nota cu tin un persona seriamente herida.
Patruya a constata cu e vehiculo UTV a bolter, tawata tin varios hende aden.
E persona mas herida lo a ricibi un kap serio patras di su cabes, esaki lo a sosode momento cu nan a accidente y ela wordo saca di e UTV.
Dos ambulance a presenta na e sitio y a transporta e heridonan pa Hospital.
Chauffeur deteni
E grupo cu tawata den e UTV ta procedente di Colombia, y durante cu nan a bay off road nan a consumi basta alcohol. Esaki lo tawata e causa principal cu nan a accidenta, lagando un di nan cu golpi serio na cabes.
Pa e motibo aki polis a detene e chauffeur cu tawata bou influencia y a transporte den Transportwagen pa warda.