Parlamentario Endy Croes no ta contento cu e abusonan cu e ta encontrando. Nos tur sa cu Lotto pa Deporte a wordo malusa pa activistannan di AVP den Bestuur. Desde november 2009 Mike Eman y Mike De Meza a nombra activistanan di AVP como bestuur di Lotto. Nan tarea tabata inicialmente pa investiga y purba cera hende den un persecucion riguroso sushi sin igual. Awe despues di 9 aña tur documento cu tabata den “safe” a cuminsa mira luz di dia. Increibel cuanto malversacion, abuso y ladronicia a tuma lugar. Bestuur di AVP cual a consisti di Reo Thonissen, Arnold Legrand, Benvinda Da Sousa, Silvio Janga, Eli Kock, Kamperveen y e “Mafioso” hefe di Elmar NV esta Flavio Faneyte ta esnan cu a masacra fondonan di nos deportistanan.
Cobransa di sumanan espantoso
Den aña 2010 y 2011 nan a paga un total di 2.5 MIYON florin di placa di deporte na amigonan abogado, Ernst & Young, Gripp NV, Security Risk Managment pa nombra algun pa haci un investigacion preliminar. Tin companianan cu a cobra 500 mil florin y manera investigacion a caba a destrui nan rapport como cu esey tabata palabra cu Bestuur. Tristo no, pueblo? Pueblo sa ta cuanto veld, luz, y atleta por a wordo yuda cu 2.5 MIYON florin? Bo por imagina cuanto material deportivo por a wordo cumpra? Banda di esaki mayoria di e miembronan di directiva esta activistanan di AVP nombra pa Mike Eman y Mike De Meza tabata tin companianan unda nan mes tabata duna un of otro servicio na Lotto cobrando sumanan espantoso mensualmente. Arnold Legrand di IT Pro amigo personal y “right hand” di Mike De Meza tabata cobra por ehempel sumanan di, ( y nos tin tur prueba), Afl. 13000, Afl. 11000, Afl. 8500 tur luna pa un of otro servicio banda di su compensacion cu e ta haña como bestuur. Ora mira meta di su compania na Kamer van Koophandel e guy aki ta un genio. E por conseha henter mundo. Asina tin mas cu nos lo bin despues riba nan.
Sin fatsoen y sin gevoel
Amigonan di confiansa di Mike Eman y Mike de Meza den bestuur di Lotto a “HORTA” Lotto kisas na un manera legal? Tempo lo demostra. Banda di tur e abusonan aki miembronan di Bestuur a bin cu e briyante idea cu nan mester wordo protehi tambe y cu ta Lotto lo mester paga pa nan siguridad. Figurabo cu nan no ta ni den servicio anto ta abusa di e forma aki. Nan a laga instala camara di siguridad na nan cas cual a costa Lotto Afl. 80 mil florin. Banda di esaki aparentemente no ta basta nan a dicidi pa contracta un compania pa monitor e alarma y patruya pa cuida nan cas tambe. Adhunto un di e cantidad di invoicenan cu nos tin. Esaki ta un invoice cual ta confirma cu ta cuida cas di Benvinda Da Sousa y su casa Desiree candidata di AVP. Anto placa di deporte ta wordo usa pa esaki. Con sin fatsoen y sin gevoel un hende por ta? Unda e sentido comun a keda? Lotto ta paga averahe Afl. 2300 florin pa luna pa cuida Da Sousa. Si bo calcula 9 aña ta bira 108 luna na Afl. 2300 ta suma un total di Afl. 248.000,- pa cuida solamente Da Sousa y su casa Desiree candidata di AVP. DIEPTRIEST!! Mientras atletanan ta bende rifa den higra di solo un grupo liga na Mike Eman y Mike de Meza ta abusa (kisas legal) di placa di nos deportistanan.
Parlamentario Endy Croes a splica cu na su debido tempo lo mira posibilidadnan legal pa cobra e abusadornan aki e placanan aki bek.