E siman aki a tuma nota di cu algun compania cu a tuma e paso di notifica nan clientenan cu pa motibo di decisionnan di Gobierno nan lo bay aumenta nan prijs di graniet y casi triplifica esaki. Gobierno di Aruba a acerca un di e companianan aki pa splicacion (y lo acerca otro companianan) pa cual a resulta cu tabatin un mal comunicacion. E compania a indica na Gobierno cu nan a wordo bisa cu aki tres luna nan no mag di coba santo of kibra piedra mas aki na Aruba. Pa cual a splicanan cu esaki no ta e berdad y cu Gobierno kier pa den un periodo di dos aña (fase transitorio desde december 2018) yega na e punto caminda cu no ta sigui coba, pa motibo di e daño cu ta wordo haci na nos medio ambiente. E situacion cu Aruba ta aden no ta un secreto, por mira casnan menos cu 10 meter leu for di buraconan di 70 meter profundo cual ta un situacion hopi peligroso.
Mientrastanto e compania a manda un email informando nan clientenenan lo no aumenta nan prijs desde prome di April mas na e suma cu nan a pone, y al contrario nan lo contribui na economia di pais Aruba. Den e email aki tambe e compania a menciona cu nan ta respeta e derecho di contratistanan chikito cu ta opera e trucknan.