ORANJESTAD – Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda Bubali/Hato cu dialuna dia 1 di april 2019 te cu diaranson 24 di april 2019 lo bay cer’e parcialmente pa cuminsa cu trabounan preparativo y despues asfalta e caminda.
Lo haci e trabou den 2 fase. Fase 1 ta cuminsa 1 april 2019 te cu 10 april 2019 y lo asfalta dia 11 april 2019. Fase 2 ta cuminsa 12 april 2019 te cu 23 di april 2019 y lo asfalta dia 24 di april 2019.
E caminda cu lo haya asfalt ta Bubali 41 te cu Bubali 93b.
Lo indica e ruta alternativa cu baricadanan y borchinan di aviso y e orario di ceramento lo ta di 8’or di mainta pa 4’or di atardi.
En conexion cu e trabounan menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.