Vehiculo special di Cuerpo Policial tambe a bira victima di hit&run

Paradera – Diamars mainta e Mobiel Command di polis tawata para na banda di caminda di Paradera. Nan tawata wardando ariba polis di trafico.

E motibo tawata cu nan tambe a bira victima di Hit&Run.
Un persona ariba brommer lo a pasa y dal e spiel di e vehiculo aki kibra, pero a sigui su caminda manera nada un pasa.

E helm di e motociclista lo a dal e spiel y kibra esaki.
Polis di trafico a tuma datos y a continua pa siguiente asistencia.