ORANJESTAD, Aruba – Aruba tin un gobierno cu ta bisa cu nan tin e ser humano central. Por tin e ser humano na dos manera, 1) bo por yud’e y 2) por tin e central pa distruy’e, por tin e central pa kibr’e. Aworaki tin un gobierno cu ta bisando cu nan kier legalisa marihuana, cu nan kier consider’e como un pilar economico nobo.
Con ta posibel cu e gobierno aki ta pensando den e direccion ey y ta bisando pa loke ta trata e hendenan den e adiccion caba, cu ta hayando yudansa di diferente fundacion, nan si a stop di paga nan subsidio. Tambe a stop di paga nan salario y a stop di yuda nan, siendo cu nan ta yudando esunnan cu a cay den e adiccion caba. Riba esey kier mira con ta bay legalisa marihuana, mira con pa cultiv’e, con pa exporte, segun Parlamentario di Fraccion AVP Robert Candelaria.
Na Aruba tin hende cu a cay den droga. No scucha Robert Candelaria pasobra e no a bin di e mundo aki, pero scucha esunnan cu si ta bin di dje. Esunnan cu a cay den adiccion, esunnan cu ta bisa “ami a cuminsa cu marihuana y asina aki el a destrui mi bida”. Ta agradecido cu tin a sali bek manera Gino Frans ta yudando hendenan door di su experencia, door di uza palabranan di Dios, door di uza e caminda di Dios pa guia nan riba e pad corecto. Hendenan asina aki ta bay stop di paga nan subsidio, pasobra bo ta pensa riba diferente motibo cu no ta valido.
Tur hende sa cu e gobierno ta dunando trabou esunnan cu a pasa edad di pension. Pero e hendenan cu ta trahando pa yuda comunidad pa sali for di adiccion pa rehabilita y busca un un miho bida, ta stop nan salario e ora ey bo no ta serio. E ser humano ta central, of bo tin cu tira slow cun’e completamente afo of tin cu duna e balor corecto manera tabatin na inicio cun’e. Yuda e hendenan aki, saca un man.
“Semper mi a bisa di ora cu mi a drenta politica kico mi ta kere gobierno su trabou ta. Busca fundacionnan, busca iglesianan cu ta trahando pa comunidad. Yuda nan, facilita nan y haci nan trabou posibel”. Pakico nan ta haci esaki ta pa yuda hendenan cu ta den adiccion, sali afo y drenta bek den comunidad. Busca un trabou, cuida nan famia, y nan bo ta stop. Anto bo ta bisa pa planta esaki na Aruba y cuminsa export’e pasobra esey nos ta kere ta bon cos. Esaki ta algo condenabel, y awo na Aruba mester bay mira prioridadnan di nobo. Ser humano central ta supone di significa yuda nan, no kibra nan, no distrui nan.