Sero Patrishi – Dialuna anochi pasa di 8’or polis a bay pura den e casnan di pueblo situa na Sero Patrishi, pa un yiu cu ta un Paaz pashent.
Informacionnan cu a drenta a bisa cu e yiu muhe lo ta razo y lo a bringa cu su tata y heride na su cabes.
Agentenan a bay cu masha cautela, door cu e persona aki ta agresivo. Segun nos tij entendi polisnan lo sa di e caso e persona aki caba.
Na yegada agentenan a pidi pa un ambulance pa trata e tata su herida, mientras a bay over na detene e yiu muhe y transporte mesora pa warda.
Ambulance a yega y a cuminsa atende cu e tata y despues a sali direccion Hospital. Algun rato despues polis na e adres ta pidi pa un otro ambulance paso e mama a bira malo.
Na final tata y mama a bay Hospital pa via di un yiu muhe cu ta sufri di enfermedad mental, y ta un peliger pa nan den e cas.
Nos ta sigur cu e caso aki lo no ta uno desconoci pa instancianan concerni, loke si mester haci ta actua na tempo pa evita cualkier drama familiar.
Dialuna anochi cos por a caba completamente robes, y e ora lo tawata laat.