Durante presupuesto 2018 sr. Rocco Tjon a entrega un amienda pa asina aloca fondo pa e Intern Bijstandsteam haya e pago cu nan tin derecho riba dje for di 2013.
TRABOU DI INTERN BIJSTANDSTEAM
E team aki a wordo lanta na aña 2013, su miembronan ta trahadornan di KIA y CEA y tur ta certifica. Pa por forma parti di e team aki bo mester pasa un training pisa y pasa un “opleiding” di algun siman. Nan ta un team di balor agrega pa Husticia completo y nan ta yuda garantisa orden y trankilidad na KIA, Centro Orthopedagogico y Centro Sero Colorado. Ademas tambe nan ta haci trabounan di transporte di detenidonan peligroso y razianan den KIA.
AMIENDA 19 APRIL 2018
Miembronan di e team aki tin derecho riba un toelage y esaki conforme conseho di departamento di Recurso Humano. Gobierno anterior a keda sin ehecuta e aspecto aki y asina for di 2013 e miembronan ta en espera di haya e pago aki. Mi mes persona, como director di KIA na aña 2016 y 2017 a entrega diferente carta pa percura pa e miembronan haya nan pago.
Conforme e maneho di Gabinete Wever-Croes, pa inverti den departamentonan y nan personal, e amienda aki a wordo entrega y siman pasa e miembronan di e team aki a haya nan pago.
PA CONCLUI
Aworaki recursonan limita, mirando e situacion financiero precario, ta wordo inverti den e departamentonan y su personal. Un otro ehempel ta e aumento di e suma di “maaltijdbonnen” pa personal.