Caya Franse Bloem, Jaburibari: Diasabra algo prome cu 10’or di anochi, presencia di polis ta wordo pidi cu urgencia den Caya Franse Bloem na Jaburibari, pa un homber cu lo a menasa un otro cu arma di candela.
Mesora a manda varios unidad di polis na Caya Franse Bloem enberdad na yegada nan ta topa cu e supuesto homber cu lo tin e arma di candela pero ora polis a bay controle, no a haye cu niun arma di candela, pero si nan a haye cu un screwdriver, esaki aparentemente elo a usa pa menasa hende.
Na e sitio e polisnan a bin compronde cu e homber aki a yega na un cas caminda tabata tin algun homber hungando domino bou di un palo. E homber a saca un screwdriver y a bay straight riba un di e hungadornan y a pone esaki na garganta di e homber. E otro hungadornan a spanta y mesora a bati alarma.
E agentenan na e sitio mesora a detene y a pidi pa transportwagen, ela transporta pa warda di polis na Shaba, pa mas investigacion. Probablemente e agressor lo ta un homber yama Derrick cu lo ta biba den e area aki y aparentemente esaki no ta prome biaha cu Derrick ta haye den problema cu polis, den pasado tambe ela haci algo similar y a keda deteni.