Ranchostraat – Diasabra durante e razia den Rancho habitantenan a scucha tiro, y mesora a avisa polis.
A resulta cu durante e entrada di autoridad un persona a purba huy, via dak.
Pero, un miembro di Team di Aresto a los tiro ariba dje.
E projectil lo a pasa hopi cerca di e homber cu a trata di huy, esaki a pone para keto keto. Y eynan mes ela wordo deteni.
Varios detencion a tuma luga diasabra merdia, tanto cumprado y bendedo.
E sitio aki y algun mad eybanda ta adresnan conoci pa bendemento di droga y Diosa sa kiko mas.
Un arma di candela tambe a wordo haya. Den pasado un persona a wordo asesina na e adres aki.
Un parti di e adres tin stranhero bibando, y no necesariamente nan ta meti den e casonan di droga.
Pa algun tempo e area aki lo ta un tiki trankil, despues di e razia aki.