Sero Blanco – Diamars den oranan di atardi den careda di 4’or un patruya cu a bay Sero Blanco, un adres situa panort di Setar y a pidi pa transportwagen. Eynan polis a bay over na detene un hoben, relaciona cu ladronicia di auto.
E motibo tawata un persona a bin haya piezanan di su auto horta na dicho cas.
Pa haci e storia cortico, un nieto a keda encarga pa tira bista ariba auto di su wela, cu a bay biaha. Esaki tawata 2 siman pasa. E vehiculo a keda staciona na cas di e nieto na Tanki Leendert.
A bin resulta cu e hoben aki nos no sa si ta su a spot e Altezza para na e cas, y a dicidi pa bay horta pieza for di dje.
Algun dia despues, “nan” a bay y horta e auto completo.
Manera nada no a pasa nan a bay asina leu di pone ariba Facebook, esta cu nan ta bendiendo pieza pa Atlezza.
E nieto a haya di esaki y a contact e bendedo.
Ela bisa e bendedo cu e ta interesa y kier pasa mira e piezanan. Parse cu e nieto a avisa polis, y polis a bise pa e mes bay y si e mira cu berdad e pieza ta di e auto horta e yamanan.
Diamars merdia polis a wordo yama door di e nieto, y ela confirma su sospechonan. E piezanan ta di e Altezza horta di su wela cu ta den exterior.
Patruya cu a yega na e sitio y cu cooperacion di e mayor a bay paden.
Paden nan ta haya un cantidad di piezanan di e Altezza. Eynan mes ela wordo deteni.
Segun su version, ta for di un otro hende ela haya tur cos y cu no ta e a bay horta auto of pieza.
Loke a hala nos atencion tawata cu e mama no ta ripara cu e mucha ta trece yen parts di auto y pone paden ?
Como mayor nos ta kere anto cu ta mas cu na su luga di puntra, ” Unda bo a haya tur e cosnan aki “. Pero ta parse cu aki e mama no ta interesa of e yiu ya ta pa su cuenta.