Piedra Plat – Dialuna anochi pa mas o menos 10:30 p.m polis a wordo pidi cu urgencia altura di Pizza Hut na Piedra Plat. E motibo tawata cu un homber a yega y tawata maltratando un muhe eynan.
Na yegada polis ta topa cu dos auto, un Chevrolet Spark y un Hyunda Elantra banda di otro.
Mesora agentenan a baha pa mira kiko ta pasando.
Na e sitio polis a separa e partidonan, esta e homber a ser hala un banda mientras e muhe a keda sinta den auto.
Por a mira polis haciendo ambos pregunta, pa mira kiko ta e problema. Agentenan no a constata nada cu e muhe a wordo maltrata.
Despues di un rato agentenan a rista auto di e homber y tampoco a haya algo ilicito.
Despues di basta rato di confirma cu tur cos ta ok y no tawata tin maltrato e muhe cu ta biba eybanda mes a bay su cas y e homber tambe a bandona e sitio despues. Por a mira algun amigo a yega cerca dje pa mira kiko a pasa.
Pues probablemente esnan cu a avisa polis lo a interpreta un discusion pa partimento di sla.
Na final, polis a shake hand cu e homber y tur hende a move di e sitio.