Arendsstraat – Dialuna atardi pa mas o menos 5’or polis y brandweer a bay pa un cas na candela den Arendsstraat.
Mesora a pensa pa cera cierto camindanan, pa Brandweer por bay over na combati e candela.
E cas ta situa cerca di Cas di Partido AVP.
Algun persona cu tawata celebrando dia di Himno y Bandera a nota huma na cas.
Mirando cu e doño no ta cas y nan conoce nan a kibra un bentana y drenta paden. E huma of cayente tawata sali di cushina.
A resulta cu e doño a sali y a lubida algo ariba stoof cendi.
Mas cu claro e doño tawata hopi agredecido cu nan a evita cu su cas a kima.
Na yegada di Brandweer nan a bay paden y controla e situacion. Tur cos tawata mustra ok, pues tawata solamente e weya cu a lubida ariba stoof a causa e huma. Esaki a pone cu nan a bati alarma pensando cu e cas tawata kimando.