Home Police Posibel entrada di ilegalnan na costa norte y San Nicolas y Helicopter...

Posibel entrada di ilegalnan na costa norte y San Nicolas y Helicopter a causa confusion un rato na tera

Tanki Flip – Diasabra anochi a drenta un melding cu posiblemente tin grupo di ilegalnan sea ta yegando costa of lo a subi costa norte, unda precisamente no ta sigur.

Mesora a mobilisa hopi unidad, direccion San Nicolas y te hasta a patruyanan di Noord a bay direccion Light House.
Di eynan nan lo tawata tin e tarea di core bay direccion Oost, pa chek pa cualkier eventualidad.

Helicopter
A resulta cu “nan” a lanta e Helicopter cu a yega merdia y lo a bay direccion costa norte y of San Nicolas.

Confusion na tera
Dado momento ningun hende na tera, esta autoridad no tawata tin contacto cu e Heli. Pues na tera nan no por a distingui pa un momento kiko tawata pasando.
Mirando cu ningun hende tin contacto cu esnan den Heli.

Esaki lo ta un posibel indicacion cu diasabra anochi no tawata tin polis abordo.
Pa algun rato ela crea poco confusion na tera, mirando cu nan no tawata sa si e Helicopter ta di nan parti of no.

Algo prome cu 9’or di anochi por a mire ta baha bek na Kazerne di Tanki Flip, y por a miranan ta controla algo na e luz dilanti.