Home Police Mas auto ta bolter: Pick up ta bolter na Shaba durante un...

Mas auto ta bolter: Pick up ta bolter na Shaba durante un accidente, chauffeur a sali ileso

Shaba – Diadomingo marduga pa mas o menos 3:15 a.m polisnan ta bay cu urgencia dilanti e Mall cu tin na Shaba. Eynan un accidente di trafico lo a sosode y cu un auto lo a bolter.

Na nan yegada di leu nan por a mira enberdad cu un di e autonan ta gebolter, esta ariba su banda.
Tawata trata di un Toyota Hilux y Ford Figo.

E chauffeur di pick up tawata bayendo direccion nort, ora cu debi na cansancio a hala bay na su man robes di caminda.
Pa su mala suerte y tambe di e Ford Figo nan ta contra otro, causando cu e pick up a bolter.

Polisnan a laga chauffeur di e pick up supla pa controla si elo por a bebe alcohol, pero esaki tawata negativo. Ela bisanan cu e ta hopi cansa.

Ambulance a presenta na e sitio pa controla esnan envolvi den e accidente, pero danki Dios ambos tawata ok.
Manera por mira ariba e imagennan, e daño material si ta basta.