Palm Beach – Diasabra anochi polis a pidi pa transportwagen patras di Local Store na Palm Beach, nan tawata tin un persona deteni.
Tawata trata di un futbolista di 22 aña di fam T, cu tawata burla di polis ora cu nan a dune stopteken. Despues di a persigui’e den Kamay nan a bin termina patras di Local Store unda e brommer a daña.
Momento cu a bay pa detene e hoben aki a resisti fuertemente, aki a presenta algun seconde di MMA. Polis y e motociclista a bay tera y sla a cay.
Na final nan a logra domine y pone den boei. Mientras transportwagen tawata na caminda pa buske.
E brommer aki nan lo a pare prome cu fin di aña, y aparentemente elo tawata tin un otro color. Polisnan a pare e aña pasa na Shaba pa motibo cu e ta core sin rijbewijs y parse cu ainda no ta tur papel ta na ordo.
Na warda a papia cune y e agente cu a lucha cune, pues ambos declaracion si nos no ta ekiboca a bay ariba papel.
Despues di tur e procedura nan a lage den libertad.
Nos ta spera pa siguridad di su mes y otronan ariba caya algo asina aki no bolbe ripiti.