Home Police Dama a duna un conoci lift, pero debi cu e ta burachi...

Dama a duna un conoci lift, pero debi cu e ta burachi ela cuminsa pasa man na e dama

Driemasterstraat – Diasabra anochi pa mas o menos 11:45 p.m un dama a pidi asistencia di polis, altura di Consultorio di Dr. John Croes .

E motibo tawata cu un poco mas pazuid na un supermercado elo a duna un conoci di dje lift. Posiblemente elo no a realisa cu e homber aki tawata basta bebi.

Ora cu ela puntra e homber unda mestet bahe esaki no por a duna un adres.
Dado momento e homber burachi, a cuminsa pasa man na e dama y despues tawata hunga cu su cabey.

Esaki si a pone cu e dama rabia, ela para e auto banda di e Consultorio di Dr. John Croes y a yama polis.
Den algun minuut polis a yega y nan a wordo splica door di e dama kiko a pasa.

E conoci di e dama ora nan tawata papiando cune, e no por a ni para ariba su pianan. No a keda nada otro pa pidi pa u Transportwagen y hibe warda, na unda elo wordo cera te ora su buracheria pasa.