Boksmento na Meiveld, durante cu auto a sali di cura di cas

Meiveld – Diasabra atardi polis a bay Meiveld pa un accidente di trafico. Den e accidente tawata tin un persona levemente herida.

Na yegada nan a topa cu dos auto, ambos di e marca Hyundai. Loke a sosode tawata cu durante un di nan tawata saliendo di cura e no a pone atencion ariba trafico yegando.

Esaki a causa e boksmento. Na yegada di Paramedico ela controla un di e ocupantenan, cu tawata sinti poco dolor.