Home Police Accident entre auto cu brommer riba e rotonde di Pastoor Hendrikstraat cu...

Accident entre auto cu brommer riba e rotonde di Pastoor Hendrikstraat cu Weg Seroe Preto

Motociclista a keda herida y transporta pa IMSAN, mientras su brommer a keda confisca pa falta di papelnan cu no tawata na ordo.

San Nicolas: Diasabra algo pasa di 6’or di atardi, ta sosode un accident entre un brommer y un SUV KIA Sportage, riba e rotonde di Pastoor Hendrikstraat cu Weg Seroe Preto, esaki a sosode pa falta di dunamento di preferencia.

Un patruya di polis cu tabata pasando eybanda a topa cu e accident. Mesora e agentenan policial a bay atende cu e accident y  tambe a pidi pa presencia di ambulance.

E motociclista a ricibi un kap na su cabes, e tawata na tino y tawata papia cu polis.

Despues cu personal di ambulance a yega na e sitio, nan a trat’e y a transporta e motociclista pa IMSAN pa un tratamento medico mas avansa.

E papelnan di e brommer no tawata na ordo y a keda confisca pa polis, Takelwagen a transporta e brommer pa Warda di Balashi.