Playa Pabao – Directiva di Centro di Bario Playa Pabao ta invita amigonan di Socotoro di Eddie Ras pa ta presente dia 18 di maart pa 4’or pm na unda Eddie lo recibi e premio cultural Playa Pabao 2019. Si bo a hunga cu Eddie riba e veld na e skina di Proffesor Laurenstraat/Emmastraat of riba e veld den Brazieliestraat of riba veld di Zaandam den Westraat of riba cualkier otro veld den Socotoro nos ta warda bo na Centro di Bario Playa Pabao na unda e mucha homber di Socotoro lo recibo su premio. Tambe un invitacion ta bay na companeronan di e teamanan di Oso Grape, Kodak, Marlboro, RCA, Aruba Jr y Aldo pa bin presencia e momento di alegria cu Eddie. Eddie su lograonan deportivo ta hopi y pesey nos ta yamele e orguyo di Socotoro. E actividad aki ta cuminsa merdia 12’or y ta termina anochi pa 8’or. Lo tin un show cultural y bar y cushina ta bon sorti.