Pueblo no merece un fecha special pa record’e
Mike Eman ta e lider politico cu despues di su derota a bira lomba pa su votadornan. Awo cu nos ta den porta di Himno y Bandera na unda cu nos pueblo ta recorda y gradici Señor Betico Croes (d.f.m.), pa su lucha y logro di nos simbolonan nacional, Mike Eman kier marca un fecha historico nobo na su nomber, 12 di april.
Aruba no merece ni tin mester un fecha special pa recorda e fechorianan di Mike Eman. E realidad ta, cu e pueblo aki tin 2920 dia pa recorda e daño enorme cu Mike Eman a causa nos pueblo. Y e berguensa grandi ta cu Mike Eman ta wordo recorda pa e prome minister kende a redobla nos debe, introduci mas di 30 medida den 8 aña, deficit halto, stagna economia, 300 coordinador y mas tristo ta cu Mike Eman ta pasa pa historia como e manipulado y gañado di mas grandi cu Aruba a conoce den un gobernacion.
Mike Eman awo por sinta keto y admira un gobierno responsabel goberna e pais aki. Pasobra el a faya nos pueblo. Y cu su odio riba un bon gobierno, e no ta soluciona nada y mucho menos institui un fecha na su nomber.
