Emmastraat/Rudolf Arendsstraat – Diaranson mainta polis un biaha mas e bay e crusada Emmastraat/Rudolfarendsstraat, pa un accidente di auto cu hende herida.
Den oranan di diaranson polis bay e crusada menciona, y ta topa cu dos vehiculo cu basta sla.
E autonan envolvi ta un Hyundai Tucson color preto y Van color shinishi.
Na e sitio nos a compronde cu e Tucson lo tawata bayendo direccion zuid y e Van no a duna preferencia, door di subi for di pabou.
Di e manera aki e ta dal e Tucson, mandando e contra un palo di luz.
Den ambos auto tawata tin personanan levemente herida y tambe spanta.
Paramediconan a atende tur hende cu tawata tin mester di ayudo, manera algun mucha den e Van.
Elmar tambe a wordo poni na altura di e daño causa na e palo di luz.