Home Police Polis durante buskeda pa atracado ta detene dos persona indocumenta

Polis durante buskeda pa atracado ta detene dos persona indocumenta

Despues di e atraco arma Diamars anochi, polis a cera full e area y a cuminsa cu un buskeda rigoroso, a atende cu diferente auto sospechoso durante e buskeda, tambe nan a bin topa cu un auto, un Nissan March sospechoso cu dos homber den dje, ambos no tabata tin nan documentonan valido den nan poder.

Oranjestad: Diamars den oranan di anochi, un rato despues cu e atraco arma a tuma luga riba un bendedora di lotteria den Rudolph Arendsstraat. Polisnan hopi lihe a cuminsa cu un buskeda den e area unda e atraco a sosode, nan tabata buscando den e area di Companashi pa e atracado of sospechosonan relaciona cu e atraco aki .

Nan a drenta den e Rooi, a controla den e cura di Santana y tambe nan tabata atende cu autonan sospechoso.
Na altura di RCA polisnan ta topa cu un auto sospechoso den e auto tabata tin dos homber, mesora nan a para e auto aki y mirando cu ta trata di personanan cu no ta local, polis a pidi nan un documento valido, ambos no tabata tin un documento valido pa prueba cu nan ta legal na Aruba y pa e motibo aki polisnan a pidi transportwagen pa bay cu ambos na warda di Strand Politie na Palm Beach.  Eynan lo tuma contacto cu Guarda Nos Costa pa confirma nan status na Aruba.