Kwartstraat – Diadomingo anochi pa mas o menos 7:40 p.m polis a wordo informa di un pelea y cu un hende herida.
E persona lo a wordo corta cu un boter.
Segun testigonan, ora nan a yega cas nan a topa dos muhe discutiendo memey caminda y boter a wordo kibra y un di nan a resulta herida.
Momento cu un di e muhenan a wordo corta elo a bay busca ayudo na e apartamento na banda.
E dos muhenan cu a discuti y bay asina leu cu un a resulta corta ta turista, ambos ta papia ingles.
Esun cu a herida e amiga, a bay paden y na prome instante sea a bay drumi y no tawata reacciona cu polis tawata bati e porta pa e sali.
Polisnan a pasa patras pa tira bista, pero no a nota nada cu e muhe por a sali.
Despues di un rato polisnan a habri e porta y a bay paden papia cu e otro muhe.
Na final di e incidente esun herida no lo tawata kier a entrega keho. E otro muhe a sali y a bise esun herida cu apartment y auto di huur tur cos ta ariba su nomber.
Mirando cu keho lo no wordo entrega, tur polis a bandona e sitio lagando nan pa nan cuenta. Abulance tampoco a yega e sitio.