Tata su fuse a bula den Pizza Hut, despues cu aparentemente un hende lo a pone man riba su yiu muher, pa tur tata nan yiu muher ta nan princess.
Esaki a pone e tata rabia asina hopi cu aparentemente tur persona cu tabata den su caminda lo a haya, cu hopi urgencia a pidi pa presencia di polis. Varios unidad di polis a presenta na e sitio y a detene e tata.
Sasaki: Diasabra algo prome 10’or di anochi, ta pidi cu urgencia presencia di polis na Pizza Hut riba Sasaki,esaki pa motibo cu un homber cu lo a dal diferente hende muher den e restaurant. Na yegada polis ta detene e homber y ta transporte pa warda di polis pa mas investigacion.
Segun familiaresnan na e sitio a comenta cu un persona lo a mishi cu yiu muher di e homber aki. Esaki sigur no lo a cay den bon tera cerca e homber y cu ela cuminsa parti sla.
Un anochi cu lo mester tabata un anochi ameno cu famia, a caba na problema cu aparentemente maltrato. E caso aki ta den man di autoridad y ta bou investigacion.