Pa di 39 aña Rotary Club of Aruba ta bai organisa e popular Fiesta Rotaria. Esaki lo tuma lugar ariba diadomingo 31 di maart 2019 na e parking lot di Stadion Guillermo Trinidad. E miembronan di Rotary ta den full preparacion pa e dia aki.
Manera pa basta aña caba na final di e Fiesta Rotaria ta saca e numbernan ganador pa e grandioso rifa. Tur aña tin premionan atractivo na unda pa solamente Afl. 25,- bo por gana un di e 12 tremendo premio nan. E bukinan di rifa ja ta obtenibel serca tur miembro di Rotary. E premio nan ta varia di un auto KIA Sportage XL 2019, tickets cu KLM, All-in cruise pa un Smart TV y differente gift certificates.
Presidente Edsel Lopez ta commenta cu Fiesta Rotaria ta e evento di mas grandi di Rotary pa recauda fondo. E fondonan aki lo wordo reparti entre diferente fundacionan y organsacion den nos communidad. Kiermen cu cada di compra di un rifa abo tin chance di gana un di e bunita premio nan y tambe ta aporta na nos comunidad. Sigui nos riba Facebook pa asina keda informa di e ultimo noticia nan.
