Sero Patrishi – Diahuebs mainta polisnan a kita un brommer for di un persona den cas di Fcca na Sero Patrishi. Motibo posiblemente papelnan no ta na ordo.
Durante cu nan tawata wardando pa nan bin busca e brommer, un boter a ser manda den nan direccion.
Agentenan mas cu claro mesora a bay wak di unda e boter a bin of te hasta a mira ken a mande.
E agentenan mirando cu cos por bay for di man masha lihe den e area ey, a pidi pa refuerso cu a yega basta lihe.
Un di e patruyanan a bay cerca un hoben bisti cu polo di un scol, y ta detene.
Un agente a puntra su colega si esey ta e persona cu a manda e boter y ela confirma cu si.
A bay over na detene e hoben y hinke den patruya y bay warda di Playa.
Algun rato despues habitante/nan cu a mira kiko a pasa ta bisa cu e hoben ey no a manda niun boter. Parse cu ela caba di yega di scol y tawata bayendo e supermarket Chines den e bario y ela wordo deteni pa polis.
Na warda nos ta kere cu polis lo haci’e algun pregunta pa mira kiko e por sa di e boter cu a wordo manda ariba e agentenan, loke ta algo peligroso.
