Dakota – Manera nos a publica anteriormente, despues di e Parada di Oranjestad polis a varios biaha Town Dragon bar restaurant situa na Dakota.
E motibo tawata cu a presenta varios problema, entre otro buracheria y tambe bringamento.
E diadomingo anochi laat, ora cu mayoria hende ya ta na cas sosegando varios patruya a bay cu urgencia e bar restaurant Town Dragon pa un pelea basta serio.
Loke nos kier a ilustra y ta bon pa autoridad tambe pone atencion. Tawata trata di un pelea entre dos homber, un di nan ta Luis M un ex convicto conoci pa autoridad.
Un video a capta momento cu e homber Luis M, ta menasa e otro partido cu morto y cu elo dale un bala mata.
Ariba e video bo por scucha Luis M claramente ta bisa cu elo bay dal e persona un bala, algo cu autoridad mester tuma hopi na serio. E diadomingo anochi ey ela wordo deteni, pa evita mas problema.
Pa motibo cu e homber aki a wordo sentencia den pasado pa a tira un persona inocente mata, esaki a sosode basta aña atras na Club Havana.
No ta mucho tempo cu Luis M a sali liber, despues di a sinta mas cu 10 aña di prison.
Ya ta varios biaha cu e homber aki ta haye den problema, te hasta ela wordo tira algun luna atras y a recupera.
Nos no sa si e otro partido a entrega keho di menasa di morto contra Luis M, pero ta bon pa autoridadnan competente tuma e pasonan necesario pa evita un drama.