STICHTING MUSICA TA DESPIDI DI CARNAVAL 65 DEN UN FORMA SPECIAL

Stichting Musica semper ta habri pa inovacion y e aña aki ta lansa “Old Mask Parade” pa despidi
di Carnaval 65. Old Mask Parade no ta un concepto nobo y Stichting Musica ta contento di por
trece un ultimo parada pa clausura e temporada carnavalesco bek riba caminda. E parada lo ta
habri pa persona cu of sin costume, di cualkier grupo y di cualkier aña den pasado.
Esnan cu ta interesa pa participa, mester acudi na e bandanan confirma pa asina registra.
Old Mask Parade lo tuma lugar riba DIAMARS, 5 di MAART 2019, cuminsando for di 7’or di
anochi na YMCA San Nicolas. E ruta ta lo siguiente: YMCA San Nicolas – Pastoor Hendrikstraat –
Dr. Schaepmanstraat – Bernhardstraat – Aruba Carnival & Entertainment Village.
Na final di e parada animacion lo sigi na Aruba Carnival & Entertainment Village na unda lo
anuncia e ganadornan di “Band of the Year 2019”.
Te cu awor e bandanan Le Groove y Tsunami a confirma cu nan lo participa na Old Mask Parade
y Stichting Musica te ainda ta habri pa acepta mas banda den e parada. E organisacion ta
consciente cu no tur banda lo por participa na e evento aki, debi na e gastonan y planificacion
cu esaki ta trece cu ne. Sinembargo, Stichting Musica ta fielmente kere cu mester cuminsa un
caminda pa e parada por sigi crece y ta sigur cu e bandanan confirma lo sa di trece un tremendo
ambiente riba caya.
The party cyan done! It’s our thing!