115
Sasaki: Dialuna den careda di 6’or y 50 di mainta, polis y tambe ambulance ta bay cu urgencia ariba e caminda di Sasaki unda un auto a bolter.
Na yegada di polis nan ta topa cu un auto gebolter ariba e banda di caminda cu ta bay pa Oranjestad o sea rotonde Superfood.
Na mes momento nan ta topa cu un dama, e tawata na stuur di e Toyota Mark X.
Polis a papia cune y tawata mustra bon, pero asina mes ambulance ya tawata na caminda.
Segun e dama, e tawata bayendo su trabou ariba e otro banda cu ta bay direccion Palm Beach, na dado momento un auto lo a cere, y debi na e velocidad halto cu e tawata bayendo cune, ela perde control ariba e auto.
Esaki a causa cu ela pasa over di e greppel cu ta separa e camindanan y bay bolter te ariba e otro banda di caminda. Danki Dios cu ela sali ileso.
Paramediconan a opta asina mes pa hibe Hospital pa un checkeo medico mas avansa.