122
Seroe Biento – Dialuna pa mas o menos 1’or di marduga, polis a bay na Seroe Biento pa un auto cu lo a perde control y lo a baha caminda, den e auto lo tin hende herida.
Na yegada Polis a topa cu un Nissan Sentra pega contra un cashi coriente. E auto tawata completamente destrui.
Den e impacto fuerte e auto a kibra un meter di awa tambe.
Den cura di un cas, polis a topa cu e pareha, ambos herida, e dama tawata drumi ariba su lomba y e homber tawata sinta.
Polis y tambe Paramediconan di ambulance mester a papia cu e homber, paso ela nenga ayudo medico.
Nan a splik’e cu e tin un brasa fractura y cu su nanishi tambe ta fractura, despues di basta papiamento, nan a logra hink’e den ambulance.
Ambos a wordo transporta pa hospital, debi cu nan a haya hopi golpi y mirando e dañonan material grandi cu e auto a ricibi ta mustra cu e impacto tabata uno hopi fuerte mes.